ಆಲ್ಕೊಹಾಲ್​ನಿಂದ ಮುಕ್ತಿ ಬೇಕಾ? ತಗೊಳ್ಳಿ ಡ್ರೈ ಜನವರಿ ಚಾಲೆಂಜ್​

2018ಕ್ಕೆ ಗುಡ್​ ಬೈ​ ಹೇಳಿ ಹೊಸ ವರ್ಷ ವೆಲ್​ಕಮ್​ ಮಾಡೋಕೆ  ಎಲ್ಲಾರು ರೆಡಿ ಆಗ್ತಾ ಇದ್ದಾರೆ. ಪಾರ್ಟಿ ಅಂದ್ರೆ ಮೋಜು ಮಸ್ತಿ, ಡ್ಯಾನ್ಸ್​, ಮ್ಯೂಸಿಕ್​, ನಾನ್​ವೆಜ್​ ಎಲ್ಲಾ ಇದ್ದಿದ್ದೇ. ಸಾಕಷ್ಟು ಜನರಿಗೆ ಆಲ್ಕೋಹಾಲ್​ ಇಲ್ಲದಿದ್ರೆ ಅದು ಪಾರ್ಟಿ ಅಂತಾನೇ ಅನ್ಸೋದಿಲ್ಲ. ಆದರೆ ಇನ್ನೂ ಕೆಲವರಿಗೆ ಆಲ್ಕೋಹಾಲ್​ ಕುಡಿಬಾರ್ದು ಅನ್ಕೊಂಡ್ರೂ  ಕುಡಿಯೋದನ್ನ ಬಿಡೋಕಾಗಲ್ಲ. ಆದ್ರೆ ಮನಸ್ಸು ಮಾಡಿದ್ರೆ ಕುಡಿಯೋದನ್ನ ಹಂತ ಹಂತವಾಗಿ ಕಡಿಮೆ ಮಾಡಿಕೊಳ್ಳಬಹುದು ಅನ್ನೋದಕ್ಕೆ ಇಲ್ಲಿದೆ ಸಿಂಪಲ್​ ಚಾಲೆಂಜ್​.

ಡ್ರೈ ಜನವರಿ ಅನ್ನೋ ಕಾನ್ಸೆಪ್ಟ್​ ಒಂದು ಈಗ ಬಹಳ ಸುದ್ದಿ ಮಾಡ್ತಿದೆ. ಈ ಕಾನ್ಸೆಪ್ಟ್​ ಪ್ರಕಾರ ಜನವರಿ ಒಂದು ತಿಂಗಳ ಕಾಲ ಆಲ್ಕೋಹಾಲ್​ ಸೇವನೆಯನ್ನ ಸಂಪೂರ್ಣವಾಗಿ ಬಿಡಬೇಕು. ಇದು ನಿಮ್ಮನ್ನ ಒಂದು ವರ್ಷಗಳ ಕಾಲ ಆಲ್ಕೋಹಾಲ್​ ಸೇವನೆಯಿಂದ ದೂರವಿರಿಸುತ್ತೆ ಅಂತಾ ಸಂಶೋಧನೆಯೊಂದು ಹೇಳಿದೆ. ಯಾಕಂದ್ರೆ ಜನವರಿ ತಿಂಗಳಲ್ಲಿ ನೀವು ಈ ನಿರ್ಧಾರವನ್ನ ಮಾಡಿದ್ದೇ ಆದಲ್ಲಿ ನೀವು ಎನರ್ಜೆಟಿಕ್​ ಆಗಿ ಇರುವುದು, ಉತ್ತಮ ನಿದ್ರೆ ಮಾಡುವುದು ಹಾಗೂ ದೇಹದ ಕೊಬ್ಬಿನ ಅಂಶ ಕಡಿಮೆಯಾಗೋದು ಮಾತ್ರವಲ್ಲ  ಇಡೀ ವರ್ಷ ಕುಡಿತವನ್ನ  ನಿಯಂತ್ರಣದಲ್ಲಿಟ್ಟುಕೊಳ್ಳಬಹುದು ಎಂದು ಸಂಶೋಧಕರು ಹೇಳುತ್ತಾರೆ.

ಈ ಕುರಿತು ಸಸ್ಸೆಕ್ಸ್ ವಿಶ್ವವಿದ್ಯಾಲಯದ ತಂಡ ಸಂಶೋಧನೆಯೊಂದನ್ನ ನಡೆಸಿದ್ದು “ಡ್ರೈ ಜನವರಿ” ನಲ್ಲಿ ಪಾಲ್ಗೊಂಡವರು ಆಗಸ್ಟ್​ ವೇಳೆಗೆ ಆಲ್ಕೋಹಾಲ್​​ ಸೇವಿಸುವ ಪ್ರಮಾಣವನ್ನ  ಕಡಿಮೆ ಮಾಡಿದ್ದಾರೆ ಎಂದು ವರದಿ ನೀಡಿದೆ. ಮನಶಾಸ್ತ್ರಜ್ಞ ರಿಚರ್ಡ್ ಡೆ ವಿಸ್ಸರ್ ಹೇಳುವ ಪ್ರಕಾರ ಡ್ರೈ ಜನವರಿ ಫಾಲೋ ಮಾಡೋದ್ರಿಂದ 10 ಮಂದಿಯಲ್ಲಿ 09 ಮಂದಿ ಹಣ ಉಳಿಸುತ್ತಾರೆ, 10ರಲ್ಲಿ 7 ಮಂದಿ ಉತ್ತಮ ನಿದ್ರೆ ಮಾಡುತ್ತಾರೆ ಮತ್ತು 5 ಜನರಲ್ಲಿ 3 ಜನ ತೂಕ ಕಳೆದುಕೊಳ್ಳುತ್ತಾರಂತೆ.

2018ರ  “ಡ್ರೈ ಜನವರಿ” ತಿಂಗಳಲ್ಲಿ 800 ಕ್ಕಿಂತ ಹೆಚ್ಚು ಜನರನ್ನು ಅಧ್ಯಯಕ್ಕೆ ಒಳಪಡಿಸಲಾಯಿತು. ಆಶ್ಚರ್ಯ ಎಂಬಂತೆ ಡ್ರೈ ಜನವರಿಯಲ್ಲಿ ಪಾಲ್ಗೊಂಡವರಲ್ಲಿ ಗಣನೀಯವಾಗಿ  ಕುಡಿಯುವ  ಪ್ರಮಾಣ ಕಡಿಮೆಯಾಗಿತ್ತು.  ವಿಶೇಷ ಅಂದ್ರೆ ಡ್ರೈ ಜನವರಿಯಲ್ಲಿ ಭಾಗವಹಿಸಿದವರಲ್ಲಿ 93% ಜನರಲ್ಲಿ ನಾವು ಏನನ್ನೋ ಸಾಧಿಸಿದ್ದೇವೆ ಎಂಬ ಭಾವನೆ ಮೂಡಿದೆ. ಹಾಗೇ  83% ಜನರು ಹಣ  ಸೇವ್​ ಮಾಡಿದ್ದಾರೆ ಎಂದು ಸಂಶೋಧನೆ ಹೇಳಿದೆ. ಆಲ್ಕೋಹಾಲ್ ಬಳಕೆಯಲ್ಲಿನ ಬದಲಾವಣೆಗಳು ಇಡೀ ತಿಂಗಳು ಆಲ್ಕೊಹಾಲ್​ನಿಂದ ದೂರ  ಉಳಿಯಲು ಸಹಾಯ ಮಾಡುತ್ತದೆಯಂತೆ. ಇನ್ನು ಶೇ. 82 ರಷ್ಟು ಜನರು ಕುಡಿಯುವ  ವೇಳೆ ಸಂಬಂಧಗಳ ಬಗ್ಗೆ  ಆಳವಾಗಿ ಯೋಚಿಸಿದರಂತೆ.  ಹಾಗೇ 80 ರಷ್ಟು ಜನರಿಗೆ ತಮ್ಮ ಕುಡಿತದ ಅಭ್ಯಾಸವನ್ನ ನಿಯಂತ್ರಣದಲ್ಲಿಟ್ಟುಕೊಂಡಿದ್ದೇವೆ  ಎಂಬ ಅನುಭವವಾಯಿತಂತೆ.

ಆದರೆ ಈ ಡ್ರೈಜನವರಿ ಪಾಲ್ಗೊಂಡ 76% ಜನ ನಾವು ಯಾವಾಗ, ಯಾಕೆ ಕುಡಿಯುತ್ತಿದ್ದೇವೆ ಎಂದು ತಿಳಿದುಕೊಳ್ಳಲಾರಂಭಿಸಿದ್ರು. ಹಾಗೇ 71% ಜನ ಎಂಜಾಯ್​ ಮಾಡಲು ಕುಡಿತವೊಂದೇ ದಾರಿಯಲ್ಲ ಅಂತಾ ಅರಿತುಕೊಂಡರಂತೆ.  ಹಾಗೇ ಅರಿತುಕೊಂಡವರಲ್ಲಿ  ಆರೋಗ್ಯ ಗಣನೀಯವಾಗಿ ಸುಧಾರಿಸಿದೆ. ಇನ್ನು ಡಿ ವಿಸ್ಸರ್  ಮೂರು ಆನ್​ಲೈನ್​ ಸರ್ವೇಗಳ ಮೂಲಕ ಈ   ಸಂಶೋಧಯನ್ನ ಪೂರ್ಣಗೊಳಿಸಿದ್ದಾರೆ. 31 ದಿನಗಳವರೆಗೆ ಆಲ್ಕೊಹಾಲ್​ನಿಂದ ದೂರವಿದ್ದ ಬಳಿಕ ಮನೋರಂಜನೆಗಾಗಿ, ವಿಶ್ರಾಂತಿಗಾಗಿ ಹಾಗೂ ಸಾಮಾಜಿಕವಾಗಿ ತೊಡಗಿಸಿಕೊಳ್ಳಲು ಆಲ್ಕೋಹಾಲ್ ಅಗತ್ಯವಿಲ್ಲ ಎಂದು ನಮಗೆ ತೋರಿಸುತ್ತದೆ” ಎಂದು ರಿಚರ್ಡ್ ಹೇಳಿದ್ದಾರೆ.